سُئل مارس 10 بواسطة
روايه انا كتاب لريم وريم عنواني كاملة بدون تحميل عبر موقعنا جوابك ، انا كتاب لريم وريم عنواني غرام ، رواية انا كتاب لريم وريم عنواني منتدى غرام، رواية انا كتاب لريم وريم عنواني كامله تحميل رواية انا كتاب لريم وريم عنواني بصيغة pdf انا كتاب لريم وريم عنواني pdf



انا كتاب لريم وريم عنواني الحلقة / الجزء الاولى 1

{ أنـــا كـــتــــاب لـــريـــــم وريـــــــم عـــنــوانــــي }

كان واقف ويقرأ الاوراق اللي وصلته وهو عاقد حواجبه بصدمه معقوله الاسم اللي بالورقه مو تشابه اسماء؟ معقوله تكون هي نفسها؟
ع فتحه الباب بسرعهه ولف له ودخل الشرطي خالد
خالد:احترامي ، وصلنا الموقع
سلطان:خالد متأكدين من هالاسماء؟
خالد:هذي الاسماء اللي سربها لنا عامر من المكان نفسه
اخذ نفس واخذ الاوراق ومشى له سلطان بهيبته:جهزوا السيارات ويلا
طلعوا من القسم ثلاث سيارات شرطهه ، وسلطان كان مششششغول بتفكيره بالاوراق والاسم مو مستوعب اببببداً
وقفت السيارات ونزلوا الشرطه وسلطان نزل بهدوء ويشوف الرجال دخلوا للمكان وثبت ماتحرك تنهد ومايدري لو يدخل وش يشوف مايدري ينصدم او يأنبه ضميره انه ظلمها ، مشى بخطوات ثقيييييلهه للباب ويسمع اصوات صراخ البنات داخل ورجال الشرطه يطلعون وماسسكين شباب واشكالهم مو طبيعين
ثقلت رجولهه اكثر وماقدر يتحرك اخذ نفس وجمع قوتهه ومشى بهدوء ودخل للبيت
شاف خالد واقف وقدامه بنات ويبكون وبعضهم تحاول تستر نفسها وشاف باقي الشرطه يفتشون المكان ماقدر يرفع عينه للبنات ومشى لخالد
سلطان:اطلب سيارات لنقلهم
خالد:ان شاء الله
سلطان جمع قوتهه كلها ورفع عينه لهم ونقلها بينهم كان بعضهم متغطين وبعضهم ولا همها كاشفهه وتعلك بعد
تقرف من اشكالهم ولف بيطلع ع صوت ناداه بهمس ، يييعرررف هالصوت يييعرفهه لف بسسسرعهه وناظر للبنات وكانه يدور راعيه الصوت
خالد بصدمه عقد حواجبهه
وزاد صصوت بكاها ونادتهه بصوت اعلى
قوت:سلطـــان
سلطان زادت سرعهه انفاسهه وطاحت عينه عليها وهي متغطيهه وضغط ع راسهه وخالد صد وصار يتمتم (استغفر الله بس)
سلطان حس الدنيا دارت فيه ماقدر يقووول شي لف وططلع بسسسرعهه وزاد صوت بكى قوت
طلع سلطان ووقف برا وصار يتنفسسس بسسرعهه ، وواحد من الرجال الشرطه استغرب ومشى لهه
مشاري:فيك شي؟
سلطان ناظر له وماقدر يتكلم
مشاري عقد حواجبهه وسلطان رفع راسه وتنهد وهمس:انا انتهيت
مشاري:تعوذ من الشيطان وش فيك وش صار؟
سلطان ماتكلم ومششى لسياره الشرطهه وركب فيه ومششششى بسسرعهه ...

6 إجابة

0 تصويتات
تم الرد عليه مارس 10 بواسطة
{ أنـــا كـــتــــاب لـــريـــــم وريـــــــم عـــنــوانــــي }

الجزء / الحلقة 2 الثانية
دخل للبيت مايدري كيف وصل كيف مشى بسيارته لهالمكان مايدري اللي صار فيه قبل ساعات حقيقهه والا خيال
دخل لصاله وصصرخ
سلطان:قووووووت قووووت
وقف وهو يناظر لدرج انتظرها تنزل ، ع صوت امه وراه
ام سلطان (أمل):سلططان شفيك
لف لها سلطان وملامح وجهه صدمتها
أمل:سلطان؟
سلطان:وينها قوت يمه؟
امل:طلعت المغرب ، يوم قالت لك بتروح مع صديقتها وانت وافقت نسيت؟
سلطان ضغط ع راسه شوي يعني هي يعني اللي شافها هي قوت زوجته؟ بذاك المكان؟ وزادت سرعه انفاسه ولف واقرب شي له المزهريه اخذها وصصصصرخ ورماها ع الارض وانكسسسرت وامل انصصدمت
وصصار يضرب الجدار ويصصرخ وامل ماقدرت تسوي شي حطت يدها ع فمها ورجعت خطوه لورا منصدمه من ولدها اللي ماقد شافته بهالحاله ابد
...: باااابا
وقف سلطان ولحظه صمت لف بهدوء لدرج وشافها واقفه ونظرات الخوف بعيونها ، ناظرها ودمعت عينه ومسح دمعته بسرعهه ومشى لها وجلس ع الدرج قدامها وابتسم ابتسامه صفراء وامل تناظر لهم
سلطان:كنتي نايمه؟
حركت راسها بـ لا:ليه تبكي؟
سلطان مسح عيونه ووجهه وابتسم:انا؟ لا بابا تعبان و..
ماقدر يكمل ولف لامهه ومنيره ماتدري وش صاير قربت لهم
امل : انتي ماكنتي تبين تتعشين؟
حركت راسها بـ لا:ماابي
سلطان تنهد:ريم بابا ، لازم تتعشين
ريم:ماما قالت بتسوي لي انـ.
سلطان قطعها بعصبيه:ررريم بتتعشين مع جدتك
ريم بخوف ناظرت لعيونه
امل:سلطان؟
سلطان وقف:يمه انتبهي لها وخليها عندك اليوم
امل : بفهم وش صاير وينها قوت
سلطان بعصبيه:من اليوم مافيييه قوت ، ماتت بلعتها الارض ، ماابي اسسمع اسسمها بهالبيت
امل مااستوعبت كلامه وقبل تتكلم لف وطلع من البيت وضرب الباب بقوه وسمعت صوت ريم
ريم ببرائه:ماما ماتت؟
امل ناظرت لها بربكه وضحكت:لا ، هو ..
وسكتت شوي وبعدها ابتسمت:يلا وش تبيننا نأكل
وسحبتها وتمشي قبل تتكلم وامل مو مسوعبه اللي يصير ابد وش اللي سوته قوت وش اللي صار بسلطان؟
0 تصويتات
تم الرد عليه مارس 10 بواسطة
{ أنـــا كـــتــــاب لـــريـــــم وريـــــــم عـــنــوانــــي }

الجزء / الحلقة 3 الثالثة

رغد بعصبيه:خلاص انطمي من جينا وانتي تبكين اسكتي صدعتينا
قوت ناظرت لها: انتي مستوعبه وين احنا الحين؟ كلها منك
رغد:ايه مستوعبه ، بس مابكيت نفسك ، اسكتي وخلينا نعرف وش بيصير الحين
قوت صدت ع صوت جمانه وراهم
جمانه:احنا اللي بناكلها يارغد ، هي زوجها شفتيه مع الشرطه
رغد:مانفعها ياحظي مشى وتركها
لفت لهم قوت وناظرتهم بقهر ماقدرت تتكلم
جمانه:لاتناظرين لنا كذا ، هذا الصدق
رغد: لالالا حالها من حالنا حبيبتي
قوت بتتكلم ع صوت الباب ولفو له ودخل خالد ناظرهم بحده
خالد: قوت الـ. وينها ؟
كل البنات ناظروا لها وقوت خافت وتكلمت بهمس:أنا
خالد:تعالي
ولف ومشى وضحكت جمانه: تقولين لي يارغد مو نافعها زوجها
رغد ناظرت قوت بححده قوت كانت ترجف ماانتبهت لكلامهم تحس يديها ترجف وقامت بهدوء ومشت للباب وطلعت وهي تضغط ع يديها
ومشت ورا خالد وماتدري وش بيجيبها وبنفس الوقت تحس نظرات كل الموجودين تأكلها ونزلت راسها ووقف خالد قدام باب وفتحه ولف لها
خالد:ادخلي
قوت تسارعت انفاسها ودخلت وسمعت صوت الباب سكر لفت ماشافت خالد دخل ورجعت لفت ناظرت للمكتب كان جالس ويناظرها بنظرات ماقد شافتها بعيونه نظرات ححححقد
قوت بربببكه:سلطان
سلطان ماتحرك ونظراته زادت حدتها
قوت وتحس قلبها بيوقف مششت له:سلطان انا كنت مع صديقتي ماكنت ادري بهذا كله ماادري والله
سلطان ماتحرك ولا تكلم
قوت بكت:سسلطان انت مصصدق؟ مسستحيل اسويها
شافته مارد وقربت اكثر ومسكت يده:وراس ريـ..
ماكملت وسسسحب سلطان يده وصرخ:لاتنطقين اسمها
خافت منه
سلطان ناظر لها بقرف:انا شلون ماكنت اشوفك
قوت شهقت وصارت تبكي
سلطان بححده:بستر عليك قدام اهلك مو عشان شي ، عشان ماحد يمسكها ع بنتي ببنت الـ..
وسكت وصد ماقدر يتكلم وبعدها اخذ نفس
سلطان:قوت انتي طالق وانسي ان عندك بنت
ناظرته قوت بصصدمه ، (كيف انسي ان عندك بنت؟)



{ أنـــا كـــتــــاب لـــريـــــم وريـــــــم عـــنــوانــــي }


الجزء / الحلقة 4 الرابعة

مر الوقت يوم بعد يوم شهر بعد شهر وسنه بعد سنه
ولا قدرت انسى ذاك اليوم اللي غير حياتي وحياه بنتي
كرهت الحريم كرهت طاري زواج وزوجه ، بعيش مع بنتي ولبنتي ، حتى ريم ماصارت تسأل عن امها نستها وصارت تنادي جدتها يمه وهي تقصدها
هالشي اللي ريحني
تركي:الله كل هالكلام بقلبك
سلطان ناظر له:واكثر
تركي:اقول ترا مرت سنتين ع سالفتك ، سلطان ارمها وعش حياتك
سلطان يشرب قهوته:راميها اصلاً
تركي:وريم؟
سلطان ابتسم:وريم بعد عاشت مع فكره ان امها ماتت ، وبعدين ترا هالسنه بدخلها الروضه ، شفت شلون كبرت بسرعه
تركي:هههههههه بالروضه ترا مو بالجامعه
سلطان ابتسم ع صوت جواله يرن ولف ناظر له ورد
أمل:وينك
سلطان:امري؟
أمل:ابلشتنا بنتك تبكي ماادري وش تبي وتناديك
سلطان:تمام شوي وجاي
وسكر وناظر لتركي:الملكه امرت
تركي:ههههه مانقدر نقول شي
ابتسم سلطان واخذ جواله وقام:يلا اشوفك
تركي:الله معك
ومشى طلع وركب سيارتهه ومشى
،
بمكان ثاني
بالسياره
ليان تعد ع اصابعها:باقي اشتري اغراض مكتبي وباقي اشتري هدايا للبنات الصغار وباقي بس المكتبه اشتري منها اللي ناقصني
لف لها نايف:اللي يسمعك يقول اول بنت توظفت
ليان:متوووتره
نايف:متوتره ليه ترا مو ثانوي ولا متوسط تراك متوظفه بروضه
ليان بضحكه:ياقلبي يازينهم
نايف:هههههههه هيييه للحين ماشفتيهم
ليان:ماادري حبيتهم قبل اشوفهم
نايف بضحكه:يالله العقل
ليان:اول شي محل للهدايا اخر شي المكتبه
نايف ناظرها وابتسم حماسها كانها بنت صغيره تجهز لبدايه دراستها ...!
تم التعليق عليه أبريل 24 بواسطة جواد
باقي القصة
تم التعليق عليه أبريل 29 بواسطة مجهول
حلوة
تم التعليق عليه مايو 17 بواسطة سُكره(:
ويي
ن القى البارت العشررييين.
تم التعليق عليه مايو 27 بواسطة مجهول
نريد باقي القصة لو سمحتوا
تم التعليق عليه سبتمبر 29 بواسطة Saba
وش اسم الراويه طريقه حكيها فضيييعه وش هن  12روايه الي قبل باليزززز اريد رد
0 تصويتات
تم الرد عليه يونيو 5 بواسطة مجهول
الجزء / الحلقة 5 ...

  

{ أنـــا كـــتــــاب لـــريـــــم وريـــــــم عـــنــوانــــي }

 


دخل سلطان للبيت وسمع اصوات أمه وريم تبكي
سلطان:وش فيها الريم؟
لفت له من شافته زاد بكاها
وضحكت أمل:انا استسلم بروح لابوك بالمجلس وانت اتفاهم معها
ابتسم سلطان ومشى لريم وجلس قدامها
سلطان:يلا جيت قولي لي من زعلك؟
ريم:ابي قلم وابي كتاب وابي الوان وابي ..
وسكتت شوي تتذكر وسلطان ضحك
ريم:وابي شنطه
سلطان:شرينا شنطه قبل اسبوع وينها
ريم:ماهي حلوه ابي شنطه موف
سلطان:هههههههههههه موف موف ، كم عندنا ريم احنا
ريم بفرحه:وابي بعد مناكير الوان كثييير
سلطان قام ومسك يدها ووقفها:اللي تبين بيجيك ، قومي نبدل ملابسك ونطلع يلا؟
ريم بفرحه ركضت قبله وسلطان مشى وراها وهو مبتسم ، الوحيده اللي تخليه يبتسم من قلب وينسى همومه اذا كان معها ، بعد مابدل ملابسها مشى معها للمجلس ودخل ومشى لابوه وباس راسه
سلطان:شلونك اليوم يبه
علي (ابوه): الحمدلله ، وين شكلكم طالعين؟
ريم:جدي بنروح نشتري الوان عشان الروضه يبون الوان
أمل:شف اللي تكذب ولاتستحي من كذبه ، متى رحتي لروضه عشان يطلبون الوان؟
ريم:انا اعرف
سلطان:ههههههههههههه صح ريم تعرف ، تبون شي
علي:سلامتك وانتبه لها
سلطان:ان شاءالله
وكضت ريم قبله وطلعت لسياره وسلطان وراها وركبوا ومشششوا
،
ركبت ليان السياره ونايف رتب الاكياس ورا وركب جنبها
ليان اخذت نفس:وش باقي بعد
نايف:يرحم امك خلاص برجع للبيت
ليان:اخر شي بس اخر شي المكتبه تكفى تكفى تكفى تكفى
نايف:اخخخر شي
ليان ببرائه:اخر شي
نايف:الصبررر
ليان بفرحه:اختك وحيدتك اذا ماصبرت علي من عليه تصبر
نايف ناظرها بطرف عين وليان ضحكت:خلاص لاتعصب امزح
نايف:اي مكتبه تبين
ليان:جرير
وسكت نايف وطلعت ليان جوالها تشوف اللي كاتبته بالملاحظات عشان ماتنسى شي
،
سلطان يمشي وراها وريم تأخذ كل شي قدامها وتحطه بالسله
سلطان:خلصتي بابا ؟
لفت له ريم وحركت راسها بـ لا
سلطان ابتسم:وش باقي غير عمال المكتبه ياعيني؟
ريم وكانها تفكر ماتكلمت ومشت وهي تتلفت تدور وسلطان بيشوف وش تبي ومشى وراها
ريم لفت له:بابا روح لاتجي
سلطان:ليه
ريم:رووح
سلطان عرف انها متورطه وماتبي تقول وابتسم وسوا نفسه مايشوفها وهي مشت تتلفت وسلطان يراقبها من بعيد ...


 









 الجزء / الحلقة 6 ...

  

{ أنـــا كـــتــــاب لـــريـــــم وريـــــــم عـــنــوانــــي }

 


دخلوا للمكتبه
ليان:نايف بروح اشتري اقلام من ذيك الجهة تجي؟
نايف: روحي انتي انا بنتظرك هنا
ليان:طيب ماراح اتأخر
ومشت ووقفت عند الاقلام تختار وحست بااحد يسحب عبايتها من ورا ولفت شافت بنت صغيره تناظر لها لحالها استغربت وتلفتت ليان تدور اذا احد معها
ليان:هلا؟
ريم مستحيه
ليان ابتسمت من شكلها وجلست ع مستواها
ليان:هلا عيني وين اهلك؟
ريم مستحيه اشرت لبعيد وليان ناظرت مافيه احد
ليان : انتي ضايعه؟
ريم حركت راسها بـ لا
ليان:طيب وين ماما وين بابا؟
ريم بهمس:بابا هناك واقف
ليان:وين؟
ريم مسكت يدها وليان ابتسمت وسحبتها ريم ، بهاللحظه كان سلطان يراقبهم ومن شافهم مسكت يدها مشى لهم بسرعه
سلطان:ريم
لفت له ريم ولفت ليان معها
ريم:هذا بابا
ليان استحت وسحبت يدها بهدوء:زين روحي له
ريم مسكت يدها:لا
سلطان استغرب:ريم تعالي
ليان استحت ماتدري وش تبي منها
ريم اشرت لها عشان تنزل بتتكلم بااذنها وليان نزلت لمستواها وتكلمت ريم بهمس
ريم:ابي مناكير وينهم؟
ناظرت لها بصدمه وريم تناظرها ببرائه
ليان بضحكه : لا مو هنا المناكير
ريم استحت حست ابوها سمعها ولفت تناظر له
وسلطان رفع حاجب ومشى لهم ومسك يد ريم وتكلم بحده:تعالي يلا
ومشى وليان استغربت سحبته لبنته ولا اعتذر ولا قال لها شي تاففت وبعدها رجعت تشتري
،

حاسب سلطان وطلع وركب السياره ولف لريم
سلطان : وش كنتي تبين منها؟
ريم ماردت
سلطان بحده:ريم اتكلم انا ردي ، وش قلتي لها وش قالت لك؟
ريم ناظرت له وماتكلمت
سلطان عصب:انا كم مره اقولك ماتتكلمين مع اي احد ، كم مره قلت؟
ريم:ابي مناكير طيب
سلطان:مناكير بمكتبه؟ شسوي بك انا؟
ريم ابتسمت:ابي مناكير
سلطان بلحظه نسى عصبيته وابتسم:انا لله بس ، طيب نكلم عمتك اميره تجيب لك ، حلو كذا؟
ريم بفرحه:ايييه
سلطان ابتسم ومششى
،

ليان وهي تحاسب:نفسيه سحب بنته ومشى ، طيب هي سألتني
نايف:شفته اللي طلع مع بنت صغيره بس؟
ليان : ايه ، ذوقه صفر
نايف:ماتدرين وش فيه يمكن معصب
ليان:معصب ع نفسه مو ع خلق الله
نايف ابتسم:وين حماسك قبل شوي
ليان:هههههههه للحين متحمسه ماعليك
نايف بضحكه:حلو ..









الجزء / الحلقة 7 ...

  

{ أنـــا كـــتــــاب لـــريـــــم وريـــــــم عـــنــوانــــي }


دخلت ليان للبيت ومعها اغراضها ونايف شايل باقي الاغراض ودخل وراها ونزل الاكياس بالصاله
نايف:اشهدي يمه اليوم سويت له خدمات ماتحلم فيها ، انتهييييت
العنود( امهم): ماشاءالله وش كل هذا
ليان:بنزل عباتي واجي اقولك وش هذا
ومشت ونايف رمى نفسه ع الكنب
العنود:تعبت؟
نايف : مرررره
العنود لفت ناظرت لدرج ورجعت ناظرت لنايف
العنود:نايف ام ناصر رجعت اتصلت
نايف عقد حواجبه وعدل جلسته:وش فيها هذي ماتفهم؟
العنود:ماادري عنها رجعت قلت لها مالكم نصيب عندنا بس ولا كاني اقول شي
نايف رفع حاجب:اكلم ولدها انا؟
العنود: لالا ، شكل مالنا حل الا اذا جو نقول لهم بوجيههم
نايف:يمه ليان لو تدري ان ناصر رجع يخطبها تدرين وش بتسوي؟ يكفي توها رجعت تضحك بعد اللي سواه
العنود تنهدت ع صوت بالدرج وصوتها
ليان: فتحتوووا الاكياس؟
العنود:هههههه لا ننتظرك
ليان جلست:زين ، ششوفي بوريك
العنود ابتسمت تناظر لها ونايف تنهد ورجع سند راسه لورا ع الكنب ويفكر بـ ناصر..
،

ريم بفرحه:شريت شنطه واقلام والوان
أمل:ماشاءالله
ريم:ودفتر بعد شوفي
وصارت توريها الاغراض وسلطان مبتسم ع صوت ابوه
علي:سلطان
لف له سلطان
علي ناظر لريم ورجع ناظر له:كنا نتكلم انا وامك قبل تجي
سلطان:باايش؟
علي بهمس:حرام اللي تسويه
سلطان رفع حاجب
علي:امها لها سنتين وشوي ماشافتها
سلطان بهمس وحده:ولا راح تشوفها ، سكر ع الموضوع
علي:سلطان انـ.
سلطان عصب:قلت اللي عندي ، خلاص
لفت أمل وريم له وسلطان قام ومعصب وطلع وعلي تنهد وناظر لأمل وامل فهمتهه ورجعت تسولف مع ريم تنسيها وهي عارفه طبع سلطان وانه مستحيل يسمع منهم .!



 الجزء / الحلقة 8 ...

  

{ أنـــا كـــتــــاب لـــريـــــم وريـــــــم عـــنــوانــــي }


‏التضحيات اللي سويتها بس عشان مستقبل بنتي  ماابي اذا كبرت تسمع احد يتكلم بها عشان امها انا اللي كتمت سر زوجتي اللي خانت الثقه ، بيني وبين نفسي حتى اقرب الناس لي اللي هم امي وابوي مايدرون ، الشخص اللي يدري فيه بس تركي اللي شاف كل شي بالقسم وقته ، وحاولت اترك شغلي بس تفكيري بـ ريم منعني حاولت اكون لها كل شي تبيه بس عشان ماتحس بالنقص عن غيرها
‏تنهد وهو يشوفها قدامه متحمسه لأول يوم دوام لها
‏ابتسم ولف لامه
‏سلطان:عادي تدخل لحالها تتوقعين؟
‏أمل:ايه ان شاءالله عادي انا والله لو مالصداع كان رحت معها وكلمت اميره عندها عيالها الصغار دوامهم
‏سلطان:معذوره انتي واميره
‏أمل ابتسمت:ريم افطري يلا
‏ريم بحماس ماتكلمت وصارت تفطر وسلطان يناظر لها مبتسم
‏أمل:تبي تروح لشغل؟
‏سلطان اشر ع بدلته: ايه بس بوصل ريم وامشي واجي اطلعها
‏أمل : زين ، بس والله مو مرتاحه اخلي ريم تروح لحالها
‏سلطان:ماعليك ان شاءالله ، وبنزل رقمي معها عشان اذا صار شي وبكت يتصلون
‏أمل:زين
‏وقام :يلا ريم
‏ريم ابتسمت وقامت:يلااا
‏واخذ سلطان شنطتها الصغيره ومسك يدها وطلع معها لسياره ركبها وركب ومشوا
‏أمل قامت وهي تحس ماتشوف من الصداع ع رنه جوالها ولفت اخذته ، ومن شافت المتصل اخذت نفس واعطته مشغول وقامت
‏،


‏ ‏ليان تدور:حلو ؟
‏العنود بضحكه:ليان لبسك رسمي بزياده
‏ليان اخذت عباتها تلبسها:لبس معلمات يمه
‏العنود:ههههههههههه
‏ليان:نايف وينه؟
‏العنود:واقف برا ينتظرك
‏ليان اخذت شنطتها:تمام بطلع
‏العنود:اذكاررك
‏ليان وهي ماشيه:ان شاءالله
‏وطلعت وركبت بسياره نايف ومششى
‏،

‏أنسدحت أمل بغرفتها ع رن الجوال مره ثانيه وتنهدت وعارفه المتصل وردت
‏أمل:هلا قوت
‏قوت ببكى:خاله ليش ماتردين
‏أمل:ياقوت والله ماادري وش اسوي والله مابيدي شي
‏قوت:اليوم اول يوم دراسه لبنتي انا المفروض معها ، خاله حسي فيني
‏أمل:حاسه فيك ، بس سلطان رافض طاريك ، وبعدين قوت لاتلوميننا لا انتي ولا سلطان راضين تقولون لنا سبب هالطلاق سنتين من تطلقتوا ولا عارفين السبب ، قوولي لي عشان انـ..
‏قاطعتها قوت : خاله وشي روضه ريم
‏أمل بصدمه:ايش؟
‏قوت:اي روضه سجلتوا ريم فيها؟
‏أمل:لا والله اعذريني قوت مااقدر ، سلطان بيجن
‏قوت:وانا؟ انجنيت قبله
‏أمل تنهدت:قوت بسكر مصدعه ، اعذريني
‏وسكرت قبل تتكلم قوت وقفلت جوالها وتنهدت بضيق ، ماتدري وش سالفتهم ولاتبي تزعل سلطان ..!
0 تصويتات
تم الرد عليه يونيو 5 بواسطة مجهول
9 ...

  

{ أنـــا كـــتــــاب لـــريـــــم وريـــــــم عـــنــوانــــي }

‏سلطان وقف قدام الروضه ولف لريم
‏سلطان : وصلنا روضه ريم
‏ريم ناظرت لباب الروضه ورجعت ناظرت له وابتسمت
‏سلطان:يلا ننزل
‏ريم حركت راسها بـ ايه ونزل سلطان ومشى للباب الثاني وفتحه ونزل ريم واخذ شنطتها ومشى معها للباب ووقف واعطاها الشنطه
‏سلطان: يلا ادخلي
‏ريم اختفت ابتسامتها : وانت ؟
‏سلطان بضحكه : انا بوقف هنا بالسياره اذا خلصت الروضه تجيني
‏ريم حركت راسها بـ لا
‏سلطان جلس ع مستواها:وش فيك وش قلنا احنا ، هنا فيه بنات صغار كثير تلعبين معهم وترسمين معهم وتورينهم الوانك
‏ريم:تعال معي
‏سلطان:انا بجلس بالسياره بابا مايصير ادخل
‏ريم امتلت عيونها دموع:لا تعال معي
‏سلطان بقل حيله اخذ نفس ووقفت سياره ونزلت بنت صغيره ونزلت معها امها ماسكه يدها ودخلو لروضه وريم تناظرهم ورجعت ناظرت لابوها بخوف
‏ريم:بااابا تعاااال
‏سلطان حس بشي داخله اوجعه وتنهد ووقف وبكت ريم
‏ع وقفه سياره نايف وليان شافت اللي قدام الباب مع بنته وتبكي
‏نايف:بنزل اغراضك
‏ليان حركت راسها ونزلت وهي تشوف البنت اللي تبكي ومشت للباب ونايف معه اغراضها وقبل تدخل لفت شافت ريم وتذكرتها ورجعت ناظرت لنايف
‏ليان:تبكي نايف
‏نايف همس:وش عليك منها
‏ليان ناظرت لريم:حرام
‏ومشت لها
‏ليان:ريم؟
‏سلطان بصدمه عقد حواجبه وريم لفت لها ووقفت بكى
‏ليان بهدوء:ليش تبكين؟
‏سلطان: عفواً من انتي ؟
‏نايف حس لازم يدخل ومشى لهم:السلام عليكم ماعليش
‏سلطان ناظر لنايف وهمس:وعليكم السلام
‏ليان مااهتمت لسلطان وتتكلم لريم:ليش تبكين؟ قولي لي
‏ريم:بابا بيروح
‏ليان:حبيبتي مايصير يدخل ، انا ادخل معك يصير؟
‏سلطان: مشكوره ، انا اجيب عمتها تدخلها
‏ليان ناظرت له : مافيها شي انا اشتغل هنا واقدر اساعدها
‏سلطان:مايحتاج شكراً
‏نايف بهمس:خلاص مايبي ادخلي
‏ليان انقهرت بس ماتبي تبين له ، خير يمنعها تاخذ البنت وش ع باله؟
‏ليان لفت واخذت الاغراض من نايف ومشت للباب ع صوت ريم
‏ريم:بابا بروح معها
‏وقفت ليان بهاللحظه وابتسمت بعناد ولفت:تعالي
‏ومشت لها ريم
‏سلطان انصدم ونايف كتم ضحكته وحط يده ورا راسه وهو يشوف وجه سلطان..!



 10 ...

  

{ أنـــا كـــتــــاب لـــريـــــم وريـــــــم عـــنــوانــــي }




ريم:بابا بروح معها
‏وقفت ليان بهاللحظه وابتسمت بعناد ولفت:تعالي
‏ومشت لها ريم
‏سلطان انصدم ونايف كتم ضحكته وحط يده ورا راسه وهو يشوف وجه سلطان
سلطان بحده:ررريم
لفت له ريم
سلطان:تعالي
ليان بهمس:استغفرالله
ريم مشت بخطوات خايبه لابوها وليان لفت ناظرت لنايف ونايف اشر لها تدخل ولفت ناظرت لسلطان بحده ودخلت لروضه ونايف مشى لسيارته ركب ومشى
سلطان اخذ نفس: انتي شلون تروحين مع وحده ماتعرفينها؟
ريم ساكته تناظر له
سلطان جلس ع مستواها:ريم بابا مايصير كذا ، وحده ماتعرفينها ماتروحين معها
ريم:تعال معي ادخل
سلطان:مااقدر ادخل انا ، بكلم عمتك اميره تجي
ريم تاففت وسلطان وقف وطلع جواله يكلم
،

ليان من دخلت وهي تحاول تهدي توترها ، نزلت اغراضها ودخلت تتعرف وتعرف بنفسها داخل اداره الروضه
،

بعد نص ساعه
سلطان بالسياره مع ريم وواضح الهدوء ع ريم ، ووقفت سياره سواق أميره ونزلت ومشت لسياره ونزل سلطان
سلطان:هلا والله
أميره:هلابك هلا والله ، وش صاير؟
سلطان ناظر لداخل السياره لريم ورجع ناظر لاميره
اميره:هههههههههه تمام
سلطان:اميره انتبهي لها تكفين
اميره:لا توصي
ومشت لباب السياره وفتحته
اميره؛وش فيها الريم زعلانه؟
ريم ناظرت لها
اميره : يلا ندخل؟
ريم حركت راسها بـ ايه ونزلت معها وسلطان يناظرهم لين دخلوا وركب سيارته واخذ نفس بهدوء ومشى

،
علي: رجعت اتصلت؟
امل:ايه وهالمره تبي روضه ريم
علي:لاتقولين انك قلتي؟
امل:لا عارفه سلطان وش بيسوي
علي:والله اني كل ماشفته احاول اتكلم معه بس الرجال معند
امل:مااظن سلطان يبعد بنته عن امها لسبب هين
علي: وهو راضي يقول عشان نعرف
امل:اقول بس الله يعين هالبنت ولا هم بكيفهم
علي:امين والا ودي ترجع قوت ونرتاح
امل بهمس:ياليت ..


#مكملين_معكم_الليل








 11 ...

  

{ أنـــا كـــتــــاب لـــريـــــم وريـــــــم عـــنــوانــــي }


فوز (المديره):تشرفت فيكم ومجموعاتكم مقسمه عليكم ان شاءالله تعجبكم ، وموفقين
ليان والبنات معها:مشكوره
فوز:تقدرون تطلعون وتبدون من الحين
وقاموا وقامت ليان وطلعت ع صوت جنبها:انتي جديده؟
لفت لها ليان وابتسمت:ايه
ابتسمت ومدت يدها:وانا جديده ، لجين
صافحتها ليان: هلابك ، وانا ليان
لجين: هلافيك ، شفتي المجموعه اللي معك؟
ليان:لا الحين بشوف
لجين:وانا ماشفت ، تعالي
ومشت معها ليان وهي تشوف الامهات مع بناتهم
أميره بهمس:تشوفين ماشاءالله البنات الصغار كلهم جايين يلعبون مثلك
ريم : مااعرفهم
اميره : تلعبين معهم الحين وتعرفينهم ، حتى فيه عيال بعد
ريم:لا يع العيال
ضحكت اميره : تمام اجل خلك مثل ابوك هو مايبي الحريم وانتي ماتبين العيال
ريم تناظر لها واميره ضحكت من نظراتها وباستها ع رنه جوالها ، وطلعته وردت
اميره: بنتك مابها شي وش تبي؟
سلطان:مابكت؟
اميره:لا
سلطان:وكيف اللي بالروضه؟ اشكالهم تريح؟
اميره: بتذبحك الوسوسه لك يوم
سلطان:جاوبي بس
اميره : للحين باقي يوزعون مجموعاتهم ، بشوف الاستاذه اللي مع ريم واجيب لك اسمها كامل ، حلو كذا ؟
سلطان : لاتنسين تأخذين رقمهم وتنزلين رقمي عشان اذا بيتصلون
اميره بضحكه:ابشر
سلطان:وانتبهي لها
اميره:ههههه ابشر
سلطان:يلا سلام
اميره:سلام
وسكرت ولفت لريم:الله يعين بس
ريم صارت تتلفت وتناظر للبنات بهدوء
واخذت المديره المايك وصارت ترحب بالجدد والقت كلمتها وبعدها بدت توزع الطالبات لمجموعاتهم وكل مجموعه والاستاذه اللي ماسكتهم
وتوزعوا للغرف ، ودخلت اميره مع ريم لمجموعه ريم شوي ودخلت لجين مبتسمه
لجين: السلام عليكم
الكل:وعليكم السلام
لجين:انا لجين الـ. استاذه هالمجوعه الجميله
أميره ابتسمت ولفت لريم:هذي استاذتك اي شي تبينه تقولينه لها
ريم: مااعرفها
اميره بهدوء: تعرفينها الحين
ع صوت لجين باابتسامه:عرفوني بااساميكم يلا
وصاروا الصغار يقولون اساميهم بحماس ولجين مبتسمه لهم شوي وصاروا يلعبون مع بعض وريم تدخلت معهم بسرعه وصارت تلعب مع البنات واميره طلعت جوالها وصارت تصورها وارسلتها لـ سلطان تبيه يرتاح لو شوي ..








 12 ...

  

{ أنـــا كـــتــــاب لـــريـــــم وريـــــــم عـــنــوانــــي }

أميره باابتسامه:اذا تبون اي شي واذا بكت تتصلين ع الرقم
لجين ناظرت لريم:ابشري نزلي رقمك عندي ولاتشيلين هم
اميره:رقم ابوها
لجين:ليش مو انتي؟
اميره ابتسمت:انا عمتها واكون مشغوله كثير
لجين: فهمت ، ابشري
اميره:استاذنك وريم باامانتك
لجين:ان شاءالله
اميره مشت لريم وهي تلعب
اميره:ريم حبيبتي انا بطلع
ريم ناظرت لها:تروحين؟
اميره:ايه قلبي ، انتي كبيره وعندك هالبنات تلعبين معهم ، بعد شوي يجي بابا يأخذك ، اذا تبين شي قولي لاستاذه لجين ، تمام؟
ريم ناظرت لجين ولجين ابتسمت لها وبعدها حركت راسها بـ ايه وباستها اميره وقامت وطلعت
ومن طلعت وريم تناظر لها ، لجين وهي تناظر لريم حستها خافت ووقفت لعب وقربت لها لجين
لجين:ريم ليش ماتلعبين؟
ريم سكتت
لجين:العبي العبي
ريم حركت راسها بـ لا
لجين:عادي اذا راحت عمتك انـ.
وسكتت وهي تشوف دموع ريم تجمعت وبعدها بدت تبكي ولجين ارتبكت
لجين:لا ليش تبكين ، خلاص اكلم عمتك ترجع الحين
ماردت ريم وتبكي
والصغار وقفو لعب وناظروا لهم ولجين زاد ارتباكها خافت كلهم يبكون وقامت ومسكت يد ريم بتقومها وسحبت يدها ريم وتبكي
لجين بربكه فتحت الباب وطلعت للغرفه اللي جنبها ودخلت شافت ليان ومجموعتها الهاديه وتلعب معهم
لجين : ليان الفزعه قبل تجي المديره
ليان استغربت ومشت لها
لجين: فيه بنت تبكي مو راضيه تسكت عندي وتو عمتها طلعت
ليان بضحكه : عادي وش فيها لعبيها
لجين:ماادري ارتبكت
ليان:تمام خلك هنا اشوفها
ومشت ليان لمجموعه لجين ودخلت وشافت الصغار مجتمعين ع وحده وتبكي ومشت لهم
ليان:حبايبي بعدو
وبعدو الصغار وليان قربت للبنت وجلست ع مستواها
ليان:حبيبتي وش يبكيك ، ناظري لي ليش تبكين
ريم ناظرت لها وهي تبكي وتمسح دموعها ومن شافتها ليان ابتسمت وهمست:انتي وش تبين بحياتي هههههه ، تبين تطلعين مع عمتك؟
ريم حركت راسها بـ ايه
ليان:تمام ، يلا تعالي
وقامت وقومتها معها
ليان تتكلم مع الصغار:يلا ارجعوا العبوا شوي واجيكم
وطلعت مع ريم
ليان:اول شي نغسل وجهك
ريم حركت راسها بـ ايه ومشت معها غسلت ليان وجهها ومن شافتها هدت اخذتها لقدام الغرفه وجلست ع كراسي
ليان:انتي ريم صح؟
ريم حركت راسها بـ ايه
ليان:ليش بكيتي؟
ريم:ابي عمه اميره
ليان ابتسمت:وانا هنا ، العب معك واذا تبين احط لك مناكير تحبين المناكير صح
ريم بفرحه:ايه
ليان ابتسمت:يلا تعالي ندخل ونلعب ، تبيني العب معك
ريم بفرحه:ايه
ضحكت لها ليان وقامت ومسكت يدها ودخلت معها لمجموعه ليان
لجين من شافت ريم ساكته ابتسمت
ليان : بخليها بمجموعتي اليوم
لجين ابتسمت:تمام
ومشت وليان اخذت ريم تلعب معها وتحاول تدخلها مع الصغار وريم نست وصارت تلعب ومندمجه ..








 13 ...

  

{ أنـــا كـــتــــاب لـــريـــــم وريـــــــم عـــنــوانــــي }

  


‏لجين:ماادري شلون اشكرك والله
‏ليان ابتسمت:العفو بس شلون متوظفه بروضه ماتعرفين تتعاملين مع الصغار؟
‏لجين:اعرف بس توترت اول يوم وخفت الصغار يبكون معها
‏ليان ناظرت لريم اللي تلعب بالساحه مع الصغار اللي ينتظرون اهاليهم
‏ليان: اللي جت معها عمتها ، ودي اعرف ظروفها عشان اعرف اتعامل معها وامها وين
‏لجين:اذا جت بكرا عمتها اسألها لك
‏ليان:زين
‏لجين:يلا بطلع تبين شي
‏ليان:سلامتك
‏ابتسمت لجين ودخلت تأخذ اغراضها
‏لفت ليان تناظر لصغار
‏،
‏سلطان يكلم:انا واقف قدام الروضه
‏أميره:هالوقت طالعين انزل اسأل موظف الامن طيب
‏سلطان:بنزل ، يلا مشكوره
‏اميره : العفو
‏وسكر سلطان ونزل مشى لغرفه الموظف وطق الباب وناظر له الموظف ببدلته واستغرب
‏الموظف:اهلاً
‏سلطان: هلابك ، ابيك لاهنت تنادي احد من داخل يطلع بنتي
‏الموظف:وش اسمها
‏سلطان:ريم سلطان
‏الموظف رفع السماعه يكلم وسلطان وقف ينتظر برا
‏،
‏ليان: شوي شوي لاتركضون
‏ع صوت جنبها:استاذه
‏لفت ليان شافت المستخدمه (ام محمد) وابتسمت:سمي
‏ام محمد:فيه ولي امر بنت يبي بنته برا ، اسمها ريم سلطان
‏ليان:ان شاء الله
‏ولفت ونادتها:ريم
‏ريم ناظرت لليان واشرت لها تجيها
‏ليان:بابا عند الباب ، يلا تطلعين؟
‏ريم:بس شوي ابي العب بس شوي
‏ليان بضحكه:مايصير ، بكرا تجين تكملين لعب زين؟
‏ريم حركت راسها بـ ايه ومشت معها ليان واعطتها شنطتها ووصلتها للباب وطلعت ريم ومن شافت ابوها ابتسمت
‏ريم:بابا
‏لف لها سلطان:هلا هلا
‏وركضت له وابتسم من شافها فرحانه وارتاح وركبها لسياره وركب ومشى
‏ليان من تأكدت انها طلعت معه دخلت وهي تفكر ، وين امها عنها؟ معقوله يتيمه ام؟ او مطلقه > وابتسمت بهاللحظه وهمست:من بيتحمل ابوها مالومها لو تطلقت
‏ومشت لصغار تنتبه لهم لين يجون اهاليهم وبعدها تطلع ..
0 تصويتات
تم الرد عليه يونيو 5 بواسطة مجهول
14 ...

  

{ أنـــا كـــتــــاب لـــريـــــم وريـــــــم عـــنــوانــــي }

‏أمل:حلوه الروضه
‏ريم بفرحه:ايه
‏امل:لعبتي مع الصغار؟
‏ريم:اي مع جنى وحلا
‏امل: ماشاءالله مكونه صداقات البنت
‏سلطان:هههههههههه ماعندها وقت
‏علي:اهم شي مابكت اليوم
‏سلطان ناظر لريم:لا مابكت ، ماشفتها دخلت لحالها
‏ريم:لا عمه اميره معي
‏امل:افا
‏سلطان:هههههههههههههه فضحتي نفسك يابابا
‏علي:ههههههه اميره جتكم
‏سلطان:ايه اتصلت عليها الصبح وجت
‏امل:حلو ، سلطان ذكرني وش اسم روضه ريم؟
‏علي ناظر لامل
‏سلطان:الروضه الـ..
‏امل:اها
‏وناظرت لعلي وعلي استغرب منها بس ماتكلم
‏،


‏قوت بعصبيه:هذا اول يوم لبنتي بالروضه من المفروض اكون جنبها يمه
‏هدى (امها):خلاص ياقوت وش نسوي اكثر من اللي سويناه؟ اخوانك راحوا له ورفض يقابلهم وانا كلمت امل ولا هي راضيه تتكلم معه ، انا وش دخلني
‏قوت:دخلك اني بنتك
‏هدى:بنتي سنتين مطلقه ولا ادري وش السبب
‏قوت سكتت ماتدري وش تقول
‏هدى:قوت قولي لي ع الاقل السبب وانا اواجه سلطان بمكان شغله
‏قوت تاففت وقامت:والله مااخلي بنتي له اكثر والله البنت ع بالها اني مت ، ريم بنتي انا
‏ومشت وهدى صرخت:لاتقصرين ، مو تهددين وماشفنا شي ، ازعاج على الفاضي ياقوت
‏رجعت قوت من بعد كلام امها:يمه ابي بنتي بس ابي بنتي ابي تتذكرني ابي تعرف اني موجوده ، صعبه؟
‏هدى:لا ، تعرفين بيت سلطان روحي وش مجلسك سنتين
‏قوت تنهدت:يمه ماتعرفين سلطان
‏هدى:خايفه منه؟
‏قوت بضيق:اكذب لو قلت لا
‏هدى:مايقدر يسوي لك شي واخوانك موجودين
‏قوت بهمس:البلاء لو عرفوا اخواني
‏هدى ماسمعت:ايش؟
‏قوت بضيق تنهدت ومشت وهدى ناظرت لها بقل حيله ورجعت لغرفتها هذا حال بنتها كل مااشتاقت لبنتها بكت وهددت بس ماتسوي شي ولا تحاول تروح لها ولا تعرف السبب ..!





 15 ...

  

{ أنـــا كـــتــــاب لـــريـــــم وريـــــــم عـــنــوانــــي }


‏ركبت ليان السياره مع نايف
‏نايف:وعليكم السلام استاذه ليان
‏ليان:ههههههههههه هلا بك
‏نايف:شلون اول يوم؟
‏ليان:جممممميل
‏نايف:وش هالحماس
‏ليان:انت ماشفتهم ياقلبي كتاكيت تلعب
‏ناظرها نايف بطرف عين
‏ليان:ههههه والله انا خلاص تعلقت فيهم
‏نايف:تونا ماقلنا بسم الله
‏ليان:لاتناقش انا حبيتهم خلاص
‏نايف:قولي بعد صاروا عيالي؟
‏ليان:ايه صاروا عيالي
‏نايف:ههههههه الله يعينهم عليك بس
‏ليان ابتسمت:انت وش تبي تناقرني طيب
‏نايف:خلاص بسكت بسكت
‏ليان بضحكه:احسن
‏،

‏سلطان كان بغرفته يطقطق بجواله وريم نايمه بحضنه
‏ع صوت طق الباب ودخلت امل واشر لها سلطان تقصر صوتها عشان ريم وابتسمت امل ودخلت
‏امل بهدوء:اول مره تنام هالوقت
‏ابتسم سلطان:من التعب
‏امل جلست قدامه:ايه ياحياتي
‏سلطان ناظر لريم باابتسامه ورجع ناظر لامه:شكل عندك شي
‏امل ناظرت له وسكتت شوي وبعدها اخذت نفس
‏امل:كلمت اميره اليوم تقول كل بنات الروضه الصغار معهم امهاتهم الا ريم
‏سلطان رفع حاجب
‏امل:سلطان لاتقاطعني ، كل بنت بهالدنيا اكثر شي تحتاجه امها ، وريم ماهي يتيمه ام
‏سلطان بهدوء:ريم يتيمه ام ، وجدتها اللي هي جالسه قدامي هي امها
‏امل:انا ياسلطان مااقدر كل صبح اروح معها
‏سلطان بضحكه:يمه وش تبين انتي؟
‏امل:اللي ابيه واضح ، قل لي وش مشكلتك مع قوت نحلها ونخلص
‏سلطان:مشكلتنا مالها حل ، واذا لهدرجه ريم مضايقتك انا مستعد اترك الشغل واقابلها ٢٤ ساعه
‏امل: لاتقول كذا ريـ.
‏سلطان:وانتي بعد لاتجيبين طاري ذيك ، عشان مااغلط عليها قدام احد
‏امل:طيب قول لي قوت وش مسويه ع الاقل
‏سلطان سكت وناظر لريم اللي تحركت من صوت امه وناظر لامه
‏سلطان:تبين تعرفين قوت وش مسويه؟
‏امل:ياليت
‏سلطان:انتي ليش صايره تجيبين سيرتها واجد؟
‏امل:لانها كل يوم تكلمني تبي بنتها واليوم تسأل عن روضه ريم
‏سلطان بصدمه:نعم؟ وقلتي لها؟
‏امل حركت راسها بـ. لا
‏سلطان توتر نزل ريم بهدوء ووقف واخذ جواله
‏امل:وين؟
‏سلطان:تقولين لي تكلمك كل يوم هاه وتبي ريم
‏امل:سلطان وين رايح؟
‏سلطان وهو ماشي:اوقفها عند حدها واذكرها من هي
‏امل قامت:سلطان تعال اسمع
سلطان لف لها:يمه خلك عند ريم لاتقوم وتبكي
امل:سلطان لاتستعجل اصبـ..
‏وتحركت ريم وسكتت امل عشان ماتقوم وهي متوتره خايفه سلطان يسوي شي يندم عليه ..





 16 ...

  

{ أنـــا كـــتــــاب لـــريـــــم وريـــــــم عـــنــوانــــي }


‏هدى:قوت يعني ماتعرف قوت اختك ، هذي هي تهدد من تطلقت
‏حاتم:لا اله الا الله ، وش تقول هالمره ؟
‏هدى:ريم بنتها دخلت لروضه وهذا اول يوم لها ومعصبه
‏حاتم:ماشاءالله دخلت لروضه ، كبرت البنت
‏هدى:ايه ياقلبي
‏حاتم اخذ نفس بيتكلم ع صوت الجرس يرن
‏هدى:الساعه ٢ الظهر من بيجينا؟
‏حاتم قام:بشوف
‏ومشى للباب ومن فتحه جمدت ملامحه وهو يناظر لسلطان ونظراته
‏حاتم بااستغراب:سلطان عندنا؟
‏سلطان بحده:قبل كل شي ، عندي كلام بقوله وتوصله لاختك
‏حاتم:استهدي بالله وادخل ، نتكلم داخل
‏سلطان دخل وحاتم سكر الباب وهو مستغرب ومشى معه للمجلس وجلسوا
‏حاتم:نورتنا ، دقيقه وجاي
‏سلطان:لا خلك ، ماابي شي ، بقول كلامي وامشي
‏حاتم:وش مستعجل عليه خلك
‏سلطان:حاتم لاهنت بتكلم وامشي
‏حاتم عقد حواجبه:براحتك ، اسمعك
‏سلطان سكت شوي وبعدها تكلم:ابيك توصل هالكلام لاختك ، هي تعرف معناه ، هي بنفسها خسرت بنتي وهي بنفسها خسرت زواجنا وهي اللي المفروض تفهم ان اللي يخسر بنفسه وبتصرفاته مستحيل اسامحه
‏حاتم:بس ريم بنتها مثل ماهي بنتك وحقها تشوفها حتى لو تطلقت
‏سلطان:باليوم اللي قوت تشوف ريم انا تحت التراب ‏حاتم عقد حواجبه وسلطان وقف
‏سلطان:وصل هالكلام وزيد عليه ، عشان ماترجع تنفتح الاوراق اللي تسكرت قبل سنتين لاترجع تكلم اهلي وتفكر تشوف ريم
‏ومشى وحاتم مافهم كلامه بس ماحب يناقشه اكثر ومشى للباب وشاف سلطان طلع وسكر الباب وراه ودخل حاتم للبيت
‏هدى:من جاي؟
‏حاتم بهدوء:سلطان
‏هدى بصدمه : سلطان العلي؟
‏حاتم حرك راسه بـ ايه ومشى لدرج وهدى منصدمه وقامت مشت وراه
‏وقف حاتم قدام غرفه قوت وطق الباب ورد صوت قوت:ادخل
‏دخل حاتم وشافها جالسه وواضح كانت تبكي ومشى لها وجلس قدامها وامه وقفت عند الباب
‏قوت استغربت:وش فيكم؟
‏حاتم اخذ نفس:قوت انتي تكلمين احد من اهل سلطان؟
‏قوت ناظرت لامها ورجعت ناظرت لحاتم:ليش تسأل؟
‏حاتم:يعني تكلمين؟
‏قوت:ايه اكلم خالتي ، عشان ريم
‏حاتم:سلطان كان هنا قبل خمس دقايق
‏قوت بصدمه سكتت
‏حاتم:قوت سلطان يهدد ويقولك عشان مايفتح الاوراق اللي تسكرت قبل سنتين لاتكلمين احد من اهله ولاتشوفين ريم واليوم اللي بتشوفين ريم بيكون هو تحت التراب
‏قوت خافت وبان ع وجهها وحاتم عقد حواجبه
‏حاتم:قوت سلطان وش يقصد بالاوراق؟
قوت بربكه:ماادري‏ ..





 17 ...

  

{ أنـــا كـــتــــاب لـــريـــــم وريـــــــم عـــنــوانــــي }


‏قوت بربكه:ماادري
‏حاتم:قوت؟
‏ناظرت له قوت
‏حاتم:عشان ارجع لك بنتك صارحيني وقولي لي وش سبب طلاقكم ووش هالاوراق اللي يتكلم عنها؟
‏قوت:مافيه اوراق ولا شي ، سلطان بالشرطه وتعرف ان اغلب اللي بالشرطه يكبرون المواضيع مافيه شي
‏حاتم:بس الرجال يتكلم وهو واثق ومتأكد
‏قوت بربكه:وانا بعد متأكده ، وهو يقول كذا بس عشان مااخذ ريم
‏حاتم رفع حاجب:طيب سؤال وجاوبي بصراحه
‏قوت توترت وناظرت لامها ورجعت ناظرت لحاتم
‏حاتم:ليش مو راضيه نروح للمحكمه ونطالب ببنتك وانتي تعرفين ان تقدرين تشوفينها حتى لو تطلقتي
‏قوت ضغطت ع يديها وحست برجفه بجسمها وسكتت
‏حاتم:ليش خايفه من سلطان
‏قوت:مو خايفه
‏حاتم : اجل؟
‏قوت تاففت وقامت:حاتم خلاص ليش تحقق معي ، بس عشاني كلمت خالتي اتطمن ع بنتي قلبتوا علي ، وبعدين يعني تبوني انسى ريم ، انسى بنتي؟
‏هدى:خلاص يمه اهدي
‏قوت: اشلون اهدا وانتم محسسيني اني غلطانه واني مسويه جريمه ، ابي اسأل عن بنتي مستكثرين هالشي علي؟
‏حاتم ناظر لها وعرف انها بتضيع السالفه وتقلبها لها بحركتها ذي بس سكت ووقف وناظر لها
‏حاتم:اجل طالبي فيها مثل الخلق ، ولاتخافين انا معك ماراح اتركك
‏قوت صدت وماتكلمت وحاتم مشى للباب وطلع وهدى سكرت الباب ع قوت ومشت لحاتم
‏وجلست قوت وزادت سرعه تنفسها ، تخيلت لو سلطان يتكلم ويقول اللي صار لحاتم وش بيصير فيها وهي تدري ان لو عرف حاتم واخوها فهد ماراح يوقفون معها وتعرف انهم بيوقفون مع اللي سواه سلطان
‏تنهدت بضيق وضغطت ع راسها وهي تفكر بالكلام اللي وصله لها حاتم ، يعني ماراح تشوف بنتها خلاص؟ يعني ريم بتنساها؟
‏شوي وجت ببالها فكره وابتسمت حستها بتضبط معها وتجيب لها بنتها بدون مايعرف سلطان  وقامت بسرعه واخذت جوالها ودورت الرقم واتصلت ..!





 18 ...

  

{ أنـــا كـــتــــاب لـــريـــــم وريـــــــم عـــنــوانــــي }


‏ع ان هالملامح صغيره وكل مافيها صغير الا اني اشوفها وطــــن كبير لي ، حياه ثاني لي كل مافيني مرتبط فيها ، هي مو بس بنتي هي سبب ابتسامتي ، اخاف عليها من اقل شي يضرها كل تفكيري فيها ، ماابيها تتضايق ماابيها تبكي من وجع ولا ابيها تعيش ومعها هم ، ابيها مرتاحه بحياتها وابتسامتها ماتفارقها وهالشي اللي اسعى له ، ان ريم تكون مرتاحه دايماً
‏كان جالس ع هالحال طول ماهي جالسه تفطر قدامه وعيونه مافارقتها
‏ع صوت امل:قايمه ولابسه ملابس الروضه ومتحمسه بعد
‏ريم ابتسمت
‏علي:بتروحين معها اليوم؟
‏ريم:لا ماحد يروح معي
‏ابتسم سلطان : خلاص البنت تعودت صح ريم؟
‏ريم حركت راسها بـ ايه
‏امل:براحتك والله تريحيني
‏سلطان:خلصتي فطورك بابا؟
‏ريم قامت:ايه
‏سلطان قام ولف لامه:انا بنزل ريم وبروح لشغل تبون شي؟
‏امل:سلامتك
‏وشال شنطه ريم ومسك يدها وطلع وركبوا السياره ومشى ورفع جواله واتصل بـ اميره شوي وردت
‏اميره : هلا سلطان
‏سلطان:هلابك ، مشغوله؟
‏اميره:لا ابد تو راحوا عيالي مع السواق وانتظره يرجع لي يوصلني لمدرستي
‏سلطان:من امس انتظرك ترسلين لي اسم مدرسه ريم
‏اميره:ههههههههه نسيت ، اسمها لجين الـ..
‏سلطان:زين ماقصرتي
‏اميره : العفو شلونها اليوم؟
‏لف سلطان ناظر لريم وابتسم:متحمسه
‏اميره:حلو حلو
‏سلطان:يلا انتبهي لروحك
‏اميره:وانت بعد
‏وسكر ونزل جواله ، شوي ووصلوا لروضه ووقف ونزل ونزل ريم واعطاها شنطتها
‏سلطان:اذا تبين شي قولي لااستاذه لجين تكلمني ، زين؟
‏ريم ابتسمت:طيب
سلطان:ولاتطلعين قبل اجي وتقول لك ان بابا برا
ريم:طيب
سلطان قرب لها وباس راسها وهمس:انتي قلب ابوك والله
ريم ابتسمت:اروح الحين؟
سلطان باابتسامه:ايه روحي بس شوي شوي
ريم:طيب
 ومشت دخلت وسلطان ضحك وهي يتذكر اللي سوته امس بنفس هالمكان فرق بينه وبين اليوم ، تاكد انها دخلت وركب سيارته ومشى
‏بهاللحظه كانت نظراتها تراقبهم واشرت لسواق يوقف ورفعت جوالها واتصلت شوي وردت قوت
‏قوت : هلا رغد وش صار؟
‏رغد:عرفت روضتها
‏قوت بفرحه:جد؟
‏رغد:ايه ، بس مثل مااتفقنا
‏قوت:والله ماراح انسى بس وش اسم روضتها
‏رغد باابتسامه خبث:الروضه الـ..
‏قوت ضحكت بفرحه:مشكوره
‏رغد:ماابي شكر ، تعرفين وش ابي
‏قوت:اعرف ، يلا باااي
‏وسكرت وهي مبتسمه بفرحه وقامت بسرعه من سريرها ...!
0 تصويتات
تم الرد عليه يونيو 24 بواسطة مجهول
رواية أنا كتاب لريم وريم عنواني البارت 19 التاسعة عشر.

‏لجين:صباح الخير ياجميله
‏ليان ناظرت لها وابتسمت:صباح النور ياهلا
‏لجين:كأني متأخره صح
‏ليان:لا بالوقت بالضبط ، بروح للفصل
‏لجين:يلا انا شوي وبروح لهم
‏ابتسمت لها ليان ومشت لفصلها ودخلت
‏ليان:سلااام
‏الصغار بفرحه ردو السلام وليان ابتسمت شوي ومن شافت ريم بينهم توهقت ومشت لها
‏ليان:ريم عمري ، تبين ترجعين فصلك عند استاذه لجين؟
‏ريم حركت راسها بـ لا
‏ليان جلست ع مستواها:بس استاذه لجين تحبك وتبيك معها
‏ريم:ماابي ابي هنا
‏ليان بضحكه حطت يدها ورا راسها وقامت تناظر لريم
‏ليان:تمام ، حبايبي العبو بهدوء شوي وجايتكم
‏وطلعت من الفصل وهي تشوف لجين ماشيه لفصلها
‏ليان:لجين
‏لجين لفت لها
‏ليان:ريم مو راضيه ترجع لفصلك ، تبي هنا
‏لجين:حلو دام انها مرتاحه معك خليها بمجموعتك
‏ليان:والتقسيم جاي من الاداره عادي اغير فيه؟
‏لجين:روحي لهم وقولي البنت مرتاحه عندي
‏ليان:تمام ، انتبهي لفصلي معك
‏لجين:تمام
‏ومشت ليان للاداره ، ع دخله وحده من باب الساحه اول ماشافت ليان نادتها
‏...: لو سمحتي
‏لفت لها ليان:سمي
‏...: انا ام وحده من البنات وما ابيها تشوفني براقبها بس عشان ، وين اروح؟
‏ليان باابتسامه:ماكان له داعي تجين ، الصغار كلهم هادين اليوم
‏...: ماعليش بشوفها
‏ليان:تمام ، شوفي الغرفه هناك استراحه امهات الصغار ، تفضلي لها
‏...:: مشكوره
‏ومشت وليان مشت للاداره ..


‏سلطان وهو يطقطق بالجهاز طق الباب
‏سلطان:ادخل
‏دخل تركي:صبحهم بالخير
‏ابتسم سلطان من شافه :هلابك صباح النور
‏تركي جلس : مبتسم اليوم وش صاير
‏سلطان:ابد مو صاير شي ، انت وين كنت متأخر
‏تركي:بدت المدارس مثل ماتعرف ، وكنت اوصل الصغار
‏سلطان بضحكه:تعرف شعور اللي احس ان ريم كبرت واوصلها لروضه كل يوم ، ماادري كيف اوصفه بس جميل
‏تركي:هههههههههه الله يخليها لك ويخليك لها ، توك اول يومين بس متحمس
‏سلطان:لا والله متحمس لكل يوم لين اروح اخذها من اخر يوم لها بالجامعه ان شاء الله
‏تركي ابتسم وهو يشوف ابتسامه سلطان اللي فاقدها من زمان وتكلم بهدوء:ان شاء الله
‏..!


 أنا كتاب لريم وريم عنواني البارت 20 ..


‏رجعت ليان لمجموعتها وشافت لجين واقفه
‏ليان باابتسامه : تم
‏لجين:حلو والله ‏ليان ناظرت لصغار وهم يلعبون ورجعت ناظرت للجين: اخذتها من فصلك وصارت معي ، هاردلك
‏لجين:ههههههههه اصلاً عرفتي لها والظاهر حبيتيها
‏ليان:كلهم مثل بعض بس ريم ماادري احس فيها شي غيرهم ، تدرين قبل الدوامات كنت بالمكتبه وقابلتها ، انصدمت لنا شفتها بالروضه حتى اول يوم دوام شفتها تبكي مع ابوها قدام باب المدرسه وحاولت ادخلها معي بس مارضى
‏لجين:ليش
‏ليان بهمس:ماادري نفسيه حتى كان لابس بدله شرطه
‏لجين:ههههههههههه ، انا مستغربه وين امها عنها
‏ليان:تصدقين بسألها الحين ، طق فيني عرق اللقافه
‏لجين:هههههههههه تمام وانا برجع للفصل
‏ليان:تمام
‏ودخلت للغرفه واخذت نفس وهي تناظر لصغار وصارت تلعب معهم لين وصلت للريم وجلست جنبها
‏ليان:حلوه لعبتك
‏ريم بضحكه:ايه
‏ليان ابتسمت وسكتت شوي وبعدها ابتسمت
‏ليان:عندك غرفه مع اخوانك تنامين معهم؟
‏ريم ناظرت لها:لا انام مع بابا
‏ليان:وماما؟
‏ريم ناظرت لها شوي وسكتت وبعدها تكلمت بهدوء:ماما؟
‏ليان:ايه وين ماما
‏ريم حركت كتوفها بمعنى ماادري
‏ليان: من معك بالبيت؟
‏ريم وهي تعد ع اصابعها:بابا سلطان ، جدو علي ، وجده امل وانا ريم
‏ليان سكتت شوي عرفت ان امها مو معها بس ميته او مطلقه مااتدري ولا تقدر تعرف من ريم
‏وبعدها مسحت ع شعرها:زين ياروحي ، العبي
‏وقامت عنها ومشت لمكتبها وجلست وهي تناظر لها ، كل الصغار عنها تعرف ان امهاتهم عايشات ومعهم جايات بس ريم لحالها ، وليان عند موضوع الام تكون عاطفيه بزياده وتعرف دور الام بحياه اي احد ولا تبي احد يحس انه من غير ام وخاصه بعمر ريم ، مر الوقت وصارت الساعه ١١ وطلعت ليان الصغار لساحه يلعبون قبل الخروج وطلعت لجين فصلها معهم ووقفو لجين وليان يناظرونهم
‏وكل من طلع طلعت امه من غرفه الامهات واخذته وباقي عدد قليل وريم من ضمنهم ، وكانت ليان منبه لصغار ع صوت همس لجين
‏لجين:وش وضعها ذي؟
‏ليان ناظرت للجين : من؟
‏لجين اشرت لوحده واقفه تناظر لصغار وعليها عباتها ونقابها واستغربت هذي اللي اليوم سألتها
‏ليان بهدوء:ماادري
‏ورجعت تناظر لصغار وشافت الحرمه تمشي لصغار وليان ناظرت لها ووقفت قدام ريم
‏ليان:عمتها هذي؟
‏لجين:لا عمتها مو كذا
‏ليان عقدت حواجبها وهي تشوف الحرمه قربت لريم اكثر ومسكت يدها .!

رواية أنا كتاب لريم وريم عنواني البارت 21

‏ليان عقدت حواجبها وهي تشوف الحرمه قربت لريم اكثر ومسكت يدها
‏ولفت لها ريم ومن شافتها خافت وهمست الحرمه:ريم؟
‏ريم بخوف ساكته وتناظر لها
‏همست: ريم قلبببببي انا مـ.
‏ماكملت وسحبت ليان ريم من يدها وناظرت لها قوت بحده وليان ردت لها النظره بثقه
‏ليان:انتي من ؟
‏قوت ناظرت لريم اللي ماسكه يد ليان ورجعت ناظرت ليان ورجعت خطوه لورا بدون ماتتكلم ومشت بسرعه وطلعت وليان استغربت وبنفس الوقت خافت وناظرت لريم
‏ليان:وش قالت لك ؟
‏ريم بخوف ماردت ومشت لهم لجين
‏لجين : من هذي ليان؟
‏ليان بهمس:ماادري من سألتها شفتي وش سوت ، هربت ، وش كانت تبي من البنت
‏لجين:الله يستر
‏ليان ناظرت لريم وجلست ع مستواها
‏ليان:ريم قلبي وش قالت لك الحرمه؟
‏ريم:ماقالت شي
‏ليان:تكلمت معك؟
‏ريم حركت راسها بـ لا
‏لجين:البنت خافت ليان خلاص خليها
‏ليان ناظرت للجين ووقفت: ماراح اخليها اليوم انا وانتي انتبهنا لها بكرا غيرنا مايهتم وهالحرمه تدخل وتأخذ اي احد وتطلع مايصير
‏لجين:وش بتسوين ؟
‏ليان:اكيد بقول للاداره مايدخل هالمدرسه الا امهات الصغار غيرهم لا
‏لجين:ع اساس بيطبقون اللي تقولينه ع طول ..
‏ليان:يطبقون ليش مايطبقون وبعدين لجين ناظري حولك كل الصغار فيه امهاتهم عندهم ينتظرون اللي يطلعهم بس ريم الوحيده اللي لحالها وهالحرمه ماتجرأت الا عليها لا والله مااسكت ..
‏لجين:انتبهي لاينقلب هالكلام ع راسك ، ماصار لك يومين من جيتي لهالروضه لاتسوين مشكله
‏ليان ناظرت لريم ورجعت ناظرت للجين وسكتت شوي وبعدها اخذت نفس:عندك رقم عمتها؟
‏لجين: ايه نزلت رقم عندي
‏ليان:ابيه
‏لجين:تمام بروح اجيبه
‏ومشت وليان لفت لريم وهمست:تبين مناكير
‏ريم بفرحه:ايه
‏ليان ضحكت:تمام بكرا تعالي واحط لك
‏ريم باابتسامه:طيب
‏ع صوت لجين:هذا هو
‏رفعت راسها ليان واخذت الرقم وطلعت جوالها تسجله وبعدها اتصلت ..!


 أنا كتاب لريم وريم عنواني البارت رقم 22 ..

‏رفعت راسها ليان واخذت الرقم وطلعت جوالها تسجله وبعدها اتصلت
‏سلطان كان بالطريق ومن رن جواله اخذه وشاف الرقم واستغرب شوي وتذكر ريم ورد بسرعه
‏سلطان:ايوه؟
‏ليان انصدمت وناظرت للجين ولجين استغربت وهمست:ايش؟
‏ليان بعدت الجوال عنها:رجااال
‏لجين:ايه ابوها
‏ليان:نعم ؟
‏لجين كاتمه ضحكتها:وش فيك ؟
‏ليان ناظرت لها بحده:سخيفه ليش ماقلتي طـيب ...
‏ماكملت ورد صوت سلطان:الووو! مين!
‏ليان اشرت للجين باانها تصبر ورجعت ردت بهدوء
‏ليان: السلام عليكم
‏سلطان عقد حواجبه:وعليكم السلام
‏ليان:والد ريم؟
‏سلطان توتر:ايه فيها شي؟
‏ليان:لالا ، بس انه تأخرت عليها والبنت تنتظر
‏سلطان:ايه انا بالطريق ، لاهنتي لاتتركينها لحالها اذا انتي استاذتها
‏ليان:ايه استاذتها ماعليك أنا معها
‏سلطان:شكراً
‏ليان سكرت قبل ترد ومشت للجين ولجين ركضت وهي تضحك
‏ليان: تشوفين والله مااتركك يالنكبه
‏لجين:ههههههههه ماسويت شي ياربي
‏ريم تناظرهم وتضحك ولفت لها ليان وتكتفت:اعجبك اللي سوته هاه
‏ريم استحت
‏ليان مشت لها باابتسامه:يلا شوي ويجي بابا يأخذك ، واذا جيتي بكرا بلعب معك كل الالعاب
‏ريم:وتحطين لي مناكير بعد
‏ليان بضحك:واحط لك مناكير بعد
‏ريم ضحكت وقربت لها وحاوطت يديها الصغار رقبه ليان وضمتها وليان ابتسمت من قلب ضمتها
‏ليان وهي تناظر للجين واشرت لها تشوفهم وابتسمت لجين:حصلتي ع قلب البنت وش تبين اكثر
‏ضحكت ليان وبعدت ريم وباست خدها
‏ليان:ياربي وش اسوي بعمري ، يا زينك بس ..
‏ريم ابتسمت:وانتي بعد حلوه
‏ليان:هههههههه والله الحلو انتي
‏ع صوت ام محمد:استاذه ليان والد ريم سلطان ينتظرها
‏ليان حركت راسها وناظرت للريم:يلا روحي للبيت وانتظرك بكرا تجيني
‏ريم بفرحه:طيب
‏ليان باست خدها ومشت معها للباب لين طلعت وتأكدت انها راحت لابوها ولفت للجين
‏ليان:انا اخذت قلبي هالبنت ، يارب اقدر اخفي غلاها وماافرق بينها وبين الصغار الثانين
‏لجين: صعبه
‏ليان بهمس:اي والله
 

‏سلطان لف لريم اللي راكبه جنبه
‏سلطان:كنتي جالسه تنتظريني؟
‏ريم حركت راسها بـ ايه
‏سلطان:ابطيت عليك؟
‏ريم حركت راسها بـ لا
‏سلطان:كنتي لحالك؟
‏ريم ابتسمت:لا معي هذيك
‏سلطان : من؟
‏ريم اشرت لروضه:هذيك وحده كبيره
‏سلطان:استاذتك؟ لجين؟
‏ريم ماتعرف اسمها وحركت راسها باايه باابتسامه:حلوه
‏سلطان بضحكه : تمام تمام
ومشى وهو مبتسم ويشوفها واضح فرحانه وعرف دام انها كانت مع استاذتها لجين يعني هي اللي راسمه ضحكه ريم ع وجهها ومخليتها فرحانه لهدرجه وحبتها ..!
تم التعليق عليه يوليو 4 بواسطة محمد
قصة جميله وممتعه جدا انصح بقراتها
تم التعليق عليه يوليو 25 بواسطة مجهول
وين الباقي
تم التعليق عليه سبتمبر 6 بواسطة مجهول
وين بقيت الروايه
تم التعليق عليه سبتمبر 10 بواسطة مجهول
وييين لبااجي بليز كملوها
تم التعليق عليه سبتمبر 24 بواسطة بنت اليمن
قصة رائعة ممكن تكملتها وين

لم يتم إيجاد أسئلة ذات علاقة

موقع جوابك علمي تربوي اسلامي سؤال وجواب اطرح الأسئلة واحصل على حل لكل أسئلتكم الموقع يهدف إلى تقديم إجابتك علمية في مختلف مجالات مع إمكانية الإجابة على أسئلة الغير
...